大髀突咗兩嚿肉 條褲卡住咗啦！！一文帶你了解假胯寬判斷法 + 4大成因 + 矯正方法
假胯寬係咩??
假胯寬判斷方法相信大家都再清楚不過，大髀兩側有突出兩塊肉就已經表示你有呢個問題。「假屁股」令明明身高唔矮嘅人，睇落五五身，大髀又粗又腫。除咗影響身材比例、穿搭自由、令大家下盤浮腫、活動受阻限等，骨科專家莫永豪更指出，假胯寬仲會引發坐骨神經痛、下肢麻痹等種種問題，纏綿不癒。
唔少人會以穿搭，拍攝角度等方法令自己好似冇假胯寬問題，不過咁無異於自欺欺人。坊間唔少人會推薦使用假胯寬矯正器，然而呢啲矯正器對於假胯寬治療嘅成效一直備受質疑……
本文收錄4大常見假胯寬成因以及推薦嘅假胯寬治療方法，幫助大家拆解假胯寬成因同時即時解決問題：
延伸閱讀: 【梨形身材必讀】專屬梨形女生的穿搭魔法!!
假胯寬判斷方法
除咗透過摸同照鏡觀察，大家都可以用以下方法自行檢測：
假胯寬判斷方法1. 站姿
企喺度嘅時候，可以檢查條腰有冇向前傾，或者有足外翻/O字腳嘅現象。有嘅就要注意~
假胯寬判斷方法2. 肌肉對稱性
另外，假胯寬患者通常臀部、大腿或小腿肌肉會有一邊明顯發達或者更緊繃。
假胯寬判斷方法3. 身體唔舒服
不良嘅生活習慣會令臀部、腰或者腳成日覺得痠痛、僵硬，咁好可能係假跨寬所導致嘅問題。
假胯寬成因
假胯寬成因1. 翹腳、盤腿、側睡
翹腳盤腿會令髖部同腿部肌肉處於唔正常嘅拉伸同壓力之中，長期習慣呢啲坐姿會導致肌肉唔平衡，甚至骨盆錯位，進而影響到成個骨盆嘅形狀，令骨盆往內旋，髖關節同股骨亦會持續錯位。雙腳嘅大小肌群唔平衡，肌肉萎縮，仲會令假胯寬、腰背痛、坐骨神經痛等痛症問題逐一出現。
假胯寬成因2. 行路姿勢/站姿不良
台灣物理治療師陳姿逸表示，有時候當我哋攰，會不自然拖住腳咁步行，內旋肌肉繃緊，令我哋行路內八、成隻腳呈X型，外旋肌肉拉長導致股骨大轉子向外轉，繼而造成假胯寬。此外，有啲人長時間企會因為攰而以單腳支撐成個身體。但長時間將力量聚集喺下半身，脊椎會變彎、有高低肩、身體力量不均，好容易令骨盆移位，造成假胯寬。
假胯寬成因3. 欠缺適量運動
如果大家長期冇拉筋或者運動，周遭肌肉會過度繃緊，繼而影響髖關節靈活性。然而如果長時間進行高強度運動或工作，甚至已經有髖關節退化性關節炎嘅症狀，白映俞醫師建議可以考慮減少活動嘅強度，例如避免跑步、打網球呢啲對髖關節衝擊性較大嘅活動，改為游水，踩單車等，嚟減少對髖關節嘅傷害。而髖關節過度緊繃不但影響日常活動同運動表現，更會增加運動傷害及形成假胯寬嘅機會。
假胯寬成因4. 遺傳
女性天生骨盆構造較寬與男性不同，髂骨、耻骨、坐骨等都為咗生育功能而比男性更為寬廣同圓，導致女性比男性更容易出現假胯寬問題 (並唔代表男性唔會有假胯寬問題，只係相比女性冇咁容易有)。當然，亦有極少數人係因為遺傳性問題，造成較多脂肪分佈於大腿位置及假胯寬。不過更多係源於賀爾蒙激素影響，隨住年紀增長，新陳代謝下降，下半身變得容易鬆弛、下垂、水腫以及體內循環不良。
假胯寬治療及應對方法
假胯寬治療方法1. 睡前抬腿
身體平瞓喺瑜珈墊或者床墊上面，用瑜珈球、枕頭或棉被墊在小腿肚下，確保腰同脊椎緊貼喺墊上面，每次大約10分鐘嘅抬腿訓練，可以幫助第日消除水腫。水腫消除咗，自然就冇假胯寬嘅問題~
假胯寬治療方法2. 運動訓練
蚌式開合、跪姿側抬腿、青蛙趴、鴿式、臀橋等等有助強化身體核心肌群，加強肌肉，提升身體穩定性同平衡性，對於平日較少做運動同拉伸嘅人特別有效~ 另外，為咗令腿型更好睇，一定要做埋有氧運動！即便重訓做得再勤勞，少了減脂的動作，關節外有層脂肪包覆，只會讓假跨寬同馬鞍肉更明顯！
假胯寬治療方法3. InLife假胯寬治療
然而正如上文提及，假胯寬可能源於髖關節同股骨錯位，而睡前抬腿或者運動訓練並非可以即時見效嘅方法，如果姿勢錯誤或者用錯力，反而有機會惡化狀況。而InLife嘅假胯寬治療則可以針對假胯寬問題進行針對性矯正。InLife嘅專業體態管理師會先進行體態及骨盆檢查。診斷出引起假胯寬成因同根源，並定立最有效嘅治療方案。然後用電磁場技術痛症儀／筋肌放鬆理療，促進血液同放鬆筋腱，從而達到最佳假胯寬治療效果。最後亦會透過獨家手法整復骨盆、大腿根部位置，針對患者骨盆位置，進行骨骼調整，從而改善假胯寬。特別對髖關節或其他骨骼錯位有效~
假胯寬治療方法4. 假胯寬矯正器
正確嚟講，假胯寬矯正器應該叫骨盆矯正帶，可以用嚟支撐同穩定骨盆，減輕腰臀唔對稱嘅壓力。主要可以糾正脊椎，骨盆傾斜，平整馬鞍位嘅脂肪。不過要避免長時間使用，以免影響肌肉自身嘅平衡調整能力，得不償失。
總結
假胯寬問題並唔係單純因為肥胖或脂肪造成，亦唔難解決，只要搵專業體態管理師做假胯寬治療，同時進行睡前抬腿及各種運動訓練，就能夠有效改善假胯寬。如果你對假胯寬有更多疑問，可以隨時聯絡我哋InLife，我哋嘅專業體態管理師會為你提供最專業嘅建議，幫助你保持健康嘅體態。
