香港嘅防疫措施逐漸寬鬆，無假去旅行唔緊要，香港都有好多好景色！
元朗係一個香港旅行嘅好地方，一於帶大家好好欣賞橙黃橘綠一番。
今次小編帶大家去到元朗，搵齊超高CP值嘅Café、餐廳美食、懷舊糕餅店、打卡景點同中醫痛症養生館！
包你睇完即刻約朋友入元朗呀喂！GOGOGO！
元朗隱世咖啡室推介
暗黑系隱世咖啡廳︰【Muse Furniture Lab】
呢間型格café位於元朗錦上路，門面同外牆以全黑為主，
裝修偏向英倫風，café外有大片草地，
整體外觀成座具神秘感嘅貴族庭院，最啱嚟打返個卡啦！
Crêpe - 烤雞肉配車打芝士法式可麗餅 ($108)
法式可麗餅可以話係大部分客人嘅心頭好！
份量好足夠，外皮煎得夠脆，未食已經聞到好香！
夾埋烤雞同芝士呢對絕配，令菜式層次豐富，烤雞口感鬆軟，認真唔錯喎！
Spaghetti - 黑松露香煎帶子意大利粉 ($148)
意粉份量好足夠，雖然意粉偏硬身，但落得多黑松露醬，令香味同口感都好豐富。
帶子偏厚身而且半生熟，非常容易入口，食完真係好飽！
Muse Furniture Lab
人均消費：約 $150 – $200
地址：元朗錦上路26C號地鋪
電話：9332 6168
營業時間：星期二至四 (全日休息)；星期一、五至日 (11:45am-6pm)
幸福森林咖啡館︰【Bendito Café】
Bendito café位置比較隱蔽，需要喺元朗市中心再轉車先可去到，
不過咖啡館提供free parking，方便晒駕駛人士。
因為田園風嘅外觀設計，令置身喺路邊嘅Bendito Café 顯得寧捨搶眼，
原色橫木條同大量植物裝飾，真係十足走入園林仙境一樣咁嘆。
Parma Ham with Fig Salad 無花果沙律配巴拿馬火腿 ($88)
前菜嚟講，不得不提店內六款招牌沙律，當中無花果配巴拿花火腿最受歡迎。
蔬菜食落爽脆又清甜，當下嘅田園景觀令人食得更加投入，絕對係五官上嘅享受！
Ice Dip Coffee 冰滴咖啡 ($55)
其實唔止環境同野食賣得，主打嘅精品咖啡都係客人最愛，其中經典冰滴咖啡更深得民心。
除咗外觀上好有心思之外，咖啡豆方面選用香港品牌Urban Coffee Roaster出品嘅
哥倫比亞水洗咖啡豆混合巴西日曬豆，入口味道夠濃之餘帶有微微朱古力香，幾得意㗎！
Bendito Café 幸福森林咖啡館
人均消費：約 $101 – $200
地址：元朗新田下新圍村福興里23號
電話：9705 2824
營業時間：星期二 (全日休息)；星期一、三至日 (08:00am-05:30pm)
特別留意係Bendito Café係pet friendly café嚟㗎~鍾意帶寵物周圍去嘅朋友都唔好錯過啦！
元朗隱世美食：懷舊糕餅推介
介紹完充滿特色風格嘅Café，係時候講下元朗最地道嘅美食：超懹舊糕餅，同樣好值得幫襯㗎！
超懷舊客家糕點︰【麥記糕品】
呢間客家糕點老字號，已經有足足數十年歷史，喺元朗區內好出名添！
賣嘅傳統中式小食全部都係自家製，價錢係小編遇到過嘅最平咁制，
唔怪得咁深受街坊喜愛啦！一於睇下佢咩料！
糕點種類好多：白糖糕、芝麻卷、茶果、糯米糍…
各種口味砵仔糕 ($10/3)
唔少得嘅仲有唔同口味嘅砵仔糕，
包括經典嘅薑汁同原味、芝麻、椰汁同紫薯味呀！即刻忍唔住買返個！
拎上手睇發現極足料，成舊糕點都係紅豆，夾雜一粒粒手指公大嘅紫薯！
一口咬落去真係好滿足㗎，咁嘅價錢可以食到咁足料糕點！真係CP極高！
麥記糕品
人均消費：約 $10 – $20
地址：元朗又新街38號恆富大廈地下1B號舖
電話：9332 6168
營業時間：星期一至日(08:00am-06:00pm)
逾半世紀特色麵包店︰【勝發餅家】
講到老字號，元朗當然唔止一間，講到出名更加要提呢間勝發餅家添！
開張至今已經六十年，但勝發餅家依然保持一股簡單、樸素嘅香港人味道。
唔講唔知！原來老師傅多年嚟堅持用本地食材，
做出嚟嘅麵包唔止質素好，更加吸引唔少由港島遠道而來嘅客人！
一齊睇下究竟有幾犀利！
大家唔好以為餅家外觀睇落普通，其實經常會大排長龍㗎！
麵包種類咩都有，蝴蝶酥、香滑蛋撻、各款蛋糕等等，
都係客人至愛，尤其蝴蝶酥賣相非常精緻添！
再了解多啲，原來所有嘅麵包都係即日人手製造，絕對唔會賣過夜貨！
真心佩服老師傅嘅信念同骨氣，加上堅持咁高品質，又點可以唔支持先！
但講到招牌貨，就要隆重介紹全港只有唔夠十家餅店仲有售嘅—忌廉筒！
忌廉筒製作過程相對麻煩，因為無菠蘿包、腸仔包等等經濟實惠，所以比好多餅家師傅所淘汰。
而勝發老師傅當年引入忌廉筒，自此深受街坊歡迎，
所以堅持每日花三個鐘製作，或者呢啲就係老師傅嘅情意結！
各式麵包喺老師傅同兩位徒弟嘅營運下，
依然保持味道夠香濃、外酥內軟！花嘅精神同心力絕對值得香港人支持呀！
元朗勝發餅家
人均消費：約 $10 – $20
地址：元朗錦田公路215A號
電話：2476 4740
營業時間：星期一至日(06:00am-08:00pm)
元朗夢幻打卡點推介
食到飽晒好滿足，就要搵個地方散下步、打下卡啦！
元朗有唔少私人或公眾特色公園同農場！今次同大家簡單介紹兩個小編最愛啦！
北歐風世外桃源︰【元朗姆明公園】
姆明係芬蘭童話小說入面嘅角色，
而書中描述嘅世界有小河、山坡、特色小屋，都充滿濃厚嘅北歐風，猶如一個夢幻國度！
而元朗竟然有類似嘅小公園，當中藍色尖項小屋、百鳥塔、旋轉樓梯…
都似足小說入面嘅建築風格！唔嚟瘋狂影相真係對唔住自己呀！
行遠小小，發現同其他公園一樣，都有人工小湖等等景觀，
加上有一大片草地俾市民野餐，趁好天氣嚟嘆返個休閒下午都係唔錯嘅選擇。
而公園有一座標誌性建築 – 百鳥塔，對比起附近嘅建築可以話相當宏偉，估唔到入到去更有驚喜？
塔裡面原來有一條藍白配色旋轉樓梯，外形獨特自然成為唔少攝影師最愛。
底層為觀鳥園區，沿旋轉樓梯上到達頂層仲可以欣賞到天水圍、十八鄉、屏山一帶嘅靚風景，
不論打卡定睇景都無得頂！
元朗姆明公園
入場費用：免費
地址：元朗市中心西南水牛嶺的公園北路
備註：姆明小屋係不得內進㗎，大家唔好硬闖，愛惜公園內設施。
開放時間：24小時
百鳥塔開放時間：
08：00am – 12：00pm / 01：00pm – 05：30pm （10月至3月）
08：00am – 12：00pm / 01：00pm – 06：00pm （4月至9月）
*逢星期三（公眾假期除外）12：00pm – 03：00pm
親子假日精選︰【有機薈低碳農莊】
元朗有大大小小嘅農莊，每個都各有特色，
而今次介紹嘅【有機薈低碳農莊】唔單止係全港首個菠蘿農場，
更集燒烤場、遊樂場、花園、飼養場、工作坊等等於一身，
數年前更引入嘅四隻澳洲羊駝（亦稱草泥馬）！
可愛外表令佢哋成為農場明星！大人小朋友都特登嚟睇佢哋！
農莊裡面劃分多個園區，地圖設計清晰又可愛，小朋友都會好鍾意。
每個園區都有唔少可愛嘅擺設，令人有種與世隔絕嘅感覺，彷彿置身喺國外！
例如呢個三米高的黃色風車，企埋去打卡都好靚！
嚟到活動場，就係安排親子進行工作坊嘅地方，同樣擺滿得意嘅擺設，
睇得出農莊主人真係費盡心力同成本，為求入到嚟嘅朋友都可以盡情投入！
而菠蘿園當然唔止吃喝玩樂咁簡單，更設有知識園區比小朋友吸收更多有關菠蘿方面小知識，
有啲原來大人都未必識！玩之餘又可以學到好多嘢，絕對值回票價！
最後終於見到農場明星 – 草泥馬呢！
佢哋身形都唔細，見佢哋自由自在咁喺園區跑跑跳跳，農場主人平時一定照顧得佢哋好好！
大部分時間佢哋都非常親近人，唔會攻擊人或者驚，可以放心比小朋友為佢哋進行餵食。
有機薈低碳農莊
人均消費：約 $150 – $200
地址：錦田四排石村（西鐵錦上路站A 出口步行約3分鐘
電話：5579 2178
營業時間：星期一至日(10:00am-06:00pm)
入場費用： 成人$150 、小朋友 $100（3-12歲）、不足三歲或以下免費丶長者半價$75.00
元朗中醫養生館推薦
出去玩咗成日，唔多唔少都行到有啲腰痠背痛！
小編為大家推薦一間CP值極高嘅中醫痛症養生館 — InLifeInlife主要針對解決香港人常見痛症問題，而且大部分項目都係註冊中醫主理
而且位於元朗最中心地帶：大棠路嘅光華廣場，
大棠站一落車行2分鐘都唔洗就到，非常方便！
小編因為對得電腦太多，腰同肩頸已經出現勞損跡象，
經朋友介紹下知道Inlife係香港「啪骨專家」
聽到身邊唔少人都大力推薦，緊係唔好執輸啦！
InLife 主打既痛症項目有：正骨復位、針灸、痛症推拿等等，
有助放鬆肌肉、解除疲勞、緩解痛症問題，
而且大多項目都係由註冊中醫主理，非常可靠～
當中InLife中醫正骨復位治療更係皇牌人氣療程：
InLife—《中醫正骨復位治療》
小編本身想試啪骨好耐，話晒第一次，緊係搵間靠得住嫁啦。 而InLife嘅中醫係註冊中醫黎～所以做個陣特別放心。 正骨復位治療前，中醫師好細心咁幫我檢查我骨骼錯位嘅問題， 然後由理療師幫我放鬆哂啲肌肉、筋膜， 放鬆咗肌肉能夠加強骨骼糾正嘅幅度，令復位達到最佳效果。https://www.inlife-hk.com/wp-content/uploads/2022/11/IMG_9068-3-1-1.mp4https://www.inlife-hk.com/wp-content/uploads/2022/11/IMG_9068-3-2-1.mp4https://www.inlife-hk.com/wp-content/uploads/2022/11/IMG_9068-3-3.mp4
做完簡直係成身舒服哂！一啲都唔痛
一直累積嘅腰背痛舒服咗好多，真係後悔無早啲黎呀！
中醫正骨復位痛症治療—項目包括：
註冊中醫脊椎檢測
先進磁能減痛儀／痛症師理療
中醫正骨復位治療
現時元朗分店仲做緊優惠！網上登記 #元朗新店 即免費送＼舒筋解痛推拿 (45分鐘)！／
＝＝＝＝＝＝＝＝＝＝＝＝＝＝＝＝＝＝＝＝＝＝
Inlife 中醫痛症理療專家
新客戶網上優惠：
$380／局部痛源；$680／全身復位
（費用已包診金，無附加收費）
地址：元朗大棠路11號光華廣場11樓1101-1102室
聯絡電話：9727 7802
網站預約 （必須預約）
營業時間：星期一至五（12nn – 9pm）/星期六至日（10am – 7pm）