好睇嘅身材，其實最應該留意嘅就係體態。因為體態唔靚真係會令你嘅氣質分數大大減分，無論身材幾好都無用。所以而家越嚟越多女仔開始注重體態同健康，為咗改善自己嘅體態問題，就算本身係運動白癡，都開始踏入做gym嘅行列！如果你都係一個超級新手想開始做gym但又無從入手，可以留意以下tips：
想靠健身改善體態，先揀適合自己嘅運動方式
作為運動新手，首先要搞清楚自己有咩體態問題，例如富貴包、駝背、高低膊、骨盆前傾、大髀或小腿太粗等，再選擇適合自己嘅運動方式，唔理係做有氧、負重訓練、yoga或者pilates都可以試吓，睇吓自己對邊樣最有興趣，先容易堅持落去。然後set up一個明確嘅目標，可以係減肥、增強心肺功能、增肌減脂或者提高身體flexibility等，再向住呢個目標努力出發！！
拉筋對體態管理嘅重要性
開始運動之前拉筋好重要！拉筋可以針對目標肌肉，幫助肌肉喺訓練之中更加容易搵到發力感。做完之後都要記得拉一拉，有助於肌肉放鬆，第二日都無咁酸痛。而平時拉多啲筋，身體線條都會靚啲，體態上亦自然加分。
健身教練可以幫你更快達成目標
作為新手開頭做gym，強烈建議搵返個有經驗嘅健身教練去幫你建立返正確嘅姿勢同技巧，避免姿勢錯咗，反而會惡化體態問題~而且健身教練會跟據你嘅目標同埋身體狀況，為你度身訂造最適合自己嘅workout schedule同埋飲食方針，例如每個禮拜做幾多日運動，主要訓練邊個位，因應情況調節強度同埋持續時間等，等你可以盡快達成目標！
想做gym效果好，首先要食飽訓好
平時食得健康同埋訓夠覺對於做gym嘅女仔嚟講真係超級緊要！尤其要吸收足夠嘅蛋白質，食多啲生果同菜，千其唔好為咗減肥而唔食嘢~反而要食返多啲蛋白質，同埋訓多啲覺，先可以俾機會肌肉恢復同埋生長。
體態管理除咗靠健身改善，仲可以靠中醫!
但如果平時返工真係無時間，或者真係好抗拒做運動可以點算，體態唔好係咪就無得救？其實除左做gym之外，仲可以考慮中醫！InLife體態管理治療就可以專門針對自己嘅筋骨性錯位問題，或者任何體態問題而造成嘅急性、慢性痛楚作出治療。首先會有專業註冊中醫師診斷你嘅體態，然後再檢查你嘅脊椎去搵出問題根源所在，咁先可以對症下藥，透過獨家手法修復骨盆、大腿根部等位置，幫骨骼進行調整，去幫助改善姿勢同埋骨骼錯位問題~
