返工返到個人冇晒生氣？難得weekend唔想喺屋企hea，又唔知食咩好，去邊度玩好？
今次小編帶大家去到銅鑼灣好去處，搵地方邊玩、邊打卡、邊食好西！
快啲拎埋部相機出去啦！GOGO！
銅鑼灣好去處第一站︰基督君王小堂
呢個簡明莊嚴嘅古羅馬式聖堂係由陳亞同(Mr. Joseph V. Chanatong) 建築師免費設計，被聖保祿醫院周同學校所包圍，位置比較隱蔽，所以一般都幾寧靜。早喺二戰時期，俾修女當成醫院，幫助照顧傷兵。隨住時間由一開始嘅修女私用小堂變成如今可容納一千幾人嘅彌撒中心。小堂後有修院，唔少修女喺嗰度專心祈禱修行，大家行過記住要一定保持安靜。
地址：銅鑼灣加路連山道33號
銅鑼灣好去處第二站︰禮頓道奧運橋 & 怡和街天橋
去完古羅馬，可以行上呢兩條橋返嚟現代。
禮頓道奧運橋係以奧運會做主題，概念由聖保祿學校提出，於2002年開始進行了美化工程，將奧運主辦國、舉行年份同埋啲奧運元素繪畫喺條天橋上面，向奧運精神致敬。
怡和街天橋係唔少港產電影嘅取景選擇。圓形嘅結構唔單止吸引眼球，仲製造咗邂逅，重逄嘅氛圍。橋上面平時冇咩人，而且可以睇到鬧市嘅人來人往同埋香港嘅特色叮叮，打卡都唔使怕有人阻住~
前往方法︰銅鑼灣港鐵站SOGO出口
銅鑼灣好去處第三站︰A.T.A.S (新加坡菜)
A.T.A.S 喺圓形天橋附近，要上一層嘅。小編同朋友兩次都係喺lunch time食嘅，唔清楚dinner點，所以推住lunch先。Lunch set大部份麵底可以揀粗麵/ 幼麵/ 老鼠粉。不過事先講明，自問小編食量都唔細，但佢所有嘅份量對我嚟講都幾大，一個人食會好飽。
Laksa 喇沙 ($88)
小編係個唔太食到辣嘅人，而呢碗麵係愈食愈辣嘅，雖然有椰子味，但我食到後面都停咗。配料都可以話幾豐富，有魚片、雞蛋、豆卜、蝦、魚蛋，而佢哋唔會出現俾個汁搶咗味嘅情況，麵質比較軟，但唔係爛晒咁。呢度建議唔食辣嘅跟杯「茶」($0)，方便自己解辣~
Satay Bee Hoon 沙爹米粉 ($98)
呢個沙嗲有好多沙嗲醬，唔會食到口乾，上面亦有唔少花生粒。配料方面就有蝦、魷魚、少少豬肉同埋豆卜。最出色係個魷魚，好爽口，加埋個沙嗲醬直頭係best match!!Bak Chor
Mee 肉脞麵 ($88)
咁我第二次食就想試下其他嘢，第一次見呢個名覺得幾特別，所以就試下。配料肉脞、豬肝、魚蛋、滷冬菇、豬油渣、生菜、炸雲吞好好好好食！！！直接成為我first pick!!!
人均消費：約 $100
地址：銅鑼灣邊寧頓街9-11號登龍閣地下C2號舖
電話：9268 7393
營業時間：星期一至五 12:00 - 22:00，六至日/公眾假期 12:00 – 16:15 + 17:30 – 22:00
銅鑼灣好去處第四站︰Bakehouse + Hashtag B
呢兩個相信唔使多講，佢哋嘅蛋撻旗鼓相當，睇個人preference。本身冇諗住include佢哋，不過既然順路，有時間嘅，小編都好推薦大家try try~~
地址：銅鑼灣啓超道16號 (Bakehouse)，銅鑼灣利園山道寶榮大廈Shop F (Hashtag B)
銅鑼灣好去處第五站︰InLife中醫痛症理療專家
難得weekend，如果全日都fing難免有啲攰，小編就建議玩下休下，放低一星期嘅疲勞！
唔知大家有冇發現自己下盆嘅最寬點低過臀線，成個下身比例又短又粗，咁好大機會係假胯寬。長期坐係度工作嘅人最容易有假胯寬。假胯寬係姿勢唔正確帶來嘅惡果，很難自行根治。另外，成日坐會令個人嘅骨盆前傾/後傾，導致假肚腩、內臟移位、便秘等問題。
而且，雖然假胯寬同便秘冇直接關係，不過佢哋係有可能同時出現… 便秘通常同飲食習慣，生活方式等有關。冇均衡飲食、唔運動、少飲水都可能導致便秘。而唔健康嘅生活方式同飲食習慣都可能增加脂肪喺腹部堆積，導致假胯寬。便秘可以靠飲食習慣去改善，但假胯寬就唔可以自己改善到，所以如果有假胯寬問題，就要俾Inlife中醫睇睇。
InLife中醫主診會幫你做咗詳細骨盆檢測先，診斷出引起假胯寬嘅成因同根源，再定立最有效治療方案。然後用儀器促進血液，放鬆筋腱。最後透過獨家手法正骨。
InLife仲有其他療程，想去俾專業中醫正骨嘅，建議先做個網上預約~ 而家銅鑼灣分店登記【體態改善治療】【骨盆糾正治療】【假胯寬治療】【圓肩駝背治療】仲即送🍑蜜桃臀!
InLife中醫痛症理療專家地址：軒尼詩道489號銅鑼灣廣場一期1902-05室
銅鑼灣好去處第六站︰Planet J Hong Kong(室內遊樂場)
Planet J Hong Kong(室內遊樂場)係冒險樂園旗下嘅brand，係一個室內遊樂場，呢個室內遊樂場入面有多個特色遊戲，包括賽車跑道、VR專區、彈跳波波池等。入面嘅game大人細佬都啱玩，完咗療程最啱過嚟try下個成效，順便放電~~
Planet J Hong Kong(室內遊樂場)地址：銅鑼灣勿地臣街1號時代廣場 Square on 9/F (Lego店旁扶手電梯上)
營業時間：星期一至日 11:30-22:30
銅鑼灣好去處第七站︰Bingo & Cook (韓國菜)
玩完成日，好又一餐，唔好又一餐，當然要食間好食嘅，為一日畫上完美嘅句號啦！
Bingo & Cook嘅好食程度可以話max!! 小編去過不下6次，佢哋冇任何一次令我覺得失望，真心世一！！！完全係perfect choice!!! 香港最好食嘅韓國菜 (冇「之一」) ！！(P.S. 份量好大)
Pig's Feet 豬腳 ($320)
小編首推絕對係呢個！豬腳本身肥瘦啱啱好，啖啖肉，肉味都好出。配埋生菜同其他配料根本冇得輸！！有興趣不妨加 $80要埋個米酒，你一定唔會失望~
Korean Seafood Pancake 海鮮蔥餅 ($148)
而第二個小編推薦嘅係呢個煎餅。小編同大部份朋友都係唔鍾意三色椒嘅，不過自從有一次試過呢個煎餅之後真係愛上咗。唔會好油好多粉，蔬菜同海鮮(魷魚)亦好夾，點埋醬食會更濃。
Honey Butter Boneless Fried Chicken 蜂蜜黃油無骨炸雞 (Half $130, Full $198)
第三個小編最愛嘅係佢嘅炸雞。即整嘅炸雞，啲肉汁多到咬一啖就流出嚟，加埋甜甜哋嘅蜂蜜粉…好食到唔想再食其他炸雞！！雖然佢會俾埋醬汁，不過個人覺得本身已經夠味~
其他例如五花肉、玫瑰醬炒年糕、辣炒年糕加熱狗套餐等都非常好食。唔知而家裝修係點，不過5月嘅時候仲係成個自修室咁，非常特別~
照片來源：wade.e_c@IG
人均消費：約 $200-300
地址：銅鑼灣駱克道491-499號京都商業中心2樓
電話：3460 4069
營業時間：星期一至五 12:00 - 23:00
銅鑼灣好去處第八站︰影藝戲院
仲有時間嘅，可以去埋港島最多位嘅戲院 「CINEART JP」睇電影！大堂裝修治用影藝品牌主題顏色薄荷綠作主調，別樹一格。同時寬敞嘅座位亦確保觀眾唔會撞到大家~
地址： 銅鑼灣百德新街22-36號
電話： 2360 0910
今日小編幫大家整理咗10個銅鑼灣好去處，唔知大家又覺得如何呢? 希望大家鍾意🩵🩵
室內遊樂場同埋圓形天橋呢幾個相信大家都一定有見過，不過小編相信例如圓形天橋嘅意境同室內遊樂場原來有VR大家都未必知 (因為小編都要check先知🤣🤣)。至於Inlife中醫亦係小編身邊唔少朋友嘅復位同體態改善推介。小編平時日日坐足8個鐘，都有假胯寬問題，不過好彩可以俾inlife中醫幫我改善，小編都唔想有假胯寬!!! (但便秘呢…係因為小編真係由細到大腸胃都好健康，健康過威威…小編冇便秘！真係冇便秘！冇便秘！)